परिचय
वि.सं. १९७८ मा काठमाडौँको सिंहदरबार स्थित पुतली बगैचामा कृषि अड्डाको स्थापनासँगै सुरु भएको आधुनिक कृषि अनुसन्धान र विकासको संस्थागत यात्रामा बिभिन्न रूपान्तरणका पहलहरु हुँदै आएका छन् । यसै क्रममा वि.सं. २०४८ वैशाख २५ गते नेपाल कृषि अनुसन्धान परिषद् ऐन, २०४८ जारी गरी नेपाल कृषि अनुसन्धान परिषद् (नार्क) स्थापना भएको हो। यस संस्थाका उद्देश्यहरु कृषि सम्बन्धी उच्चस्तरीय अध्ययन तथा अनुसन्धान गर्ने गराउने, कृषि क्षेत्रका समस्याहरुको निराकरणका उपायहरु पत्ता लगाउने र कृषि सम्बन्धि नीति तर्जुमाको लागि नेपाल सरकारलाई आवश्यक सहयोग गर्ने रहेका छन्। उल्लेखित उद्देश्यहरु हाँसिल गर्नका लागि मुलुकमा विद्यमान कृषि-पर्यावरणीय पारिस्थिकीहरुमा अवस्थित ६३ कार्यालयहरु मार्फत कृषि अनुसन्धान कार्यक्रम संचालन हुँदै आएको छ। राष्ट्रिय बजेटको जम्मा करिब ०.१९% मात्र कृषि अनुसन्धानमा विनियोजन हुने गरेको भएतापनि कृषि उत्पादन वृद्धि, खाद्य सुरक्षा सुदृढीकरण, आयात प्रतिस्थापन र समग्र राष्ट्रिय अर्थतन्त्रको विकासमा कृषि अनुसन्धानले उल्लेखनीय योगदान पुर्याएको छ। विभिन्न वाली वस्तुका जात/नश्ल तथा उत्पादन प्रविधि विकास...
प्रकाशन मिति:
२०८२-०४-१६
प्रकाशन मिति:
२०८३-०३-१८
